Almatyǵa kún saıyn 700 myńnan astam kólik syrttan kiredi

Almatyǵa kún saıyn kiretin kólikter sany 700 myńǵa jetti, dep habarlaıdy Kazinform.

Polıtsııa departamentiniń málimetinshe, 10 negizgi magıstral boıynsha Almaty aýmaǵyna jumys kúnderi orta eseppen 400 myńnan astam avtomobıl kiredi. Al, oblystan qalaǵa kiretin qosymsha 17 jolmen 300 myńnan astam kólik keledi.

Osylaısha, megapolıs kóshelerimen kún saıyn 700 myńnan astam mashına júredi. Bul shamamen qala halqynyń úshten biri – 2,147 mln adam.

«Almatyǵa jumys kúnderi keletin jeke kóliktiń sanyn búkil eldiń avtoparkimen salystyrýǵa bolady. Latvııada halyq sany 1,8 mln adam. Atalǵan elde 730 myń avtokólik tirkelgen.

Salystyrmaly túrde aıtqanda, oblystan Almatyǵa únemi búkil Latvııa «kiredi»,- dep habarlady Almaty ákimdiginen.

Bul derekter «Sergek» apparattyq-baǵdarlamalyq kesheni arqyly Almaty qalasynyń aýmaǵynda júretin avtokólikti taldaý negizinde alyndy.