Almatyǵa kireberis joldarda júk kólikteriniń salmaǵy avtomatty túrde ólshenetin bolady
ALMATY. KAZINFORM – Almatyda iri júk kólikterin baqylaýdy qamtamasyz etý maqsatynda salmaqtyq jáne gabarıttik baqylaý júıelerin ornatý jumystary júrgiziledi.
Qala ákimdiginiń málimetinshe, osyǵan baılanysty birqatar jol ýchaskesinde kólik qozǵalysyna ishinara shekteý engiziledi. Atap aıtqanda, 19 qazan men 19 qarasha aralyǵynda Qulja tasjolynyń qala shekarasynan Buqtyrma kóshesine qaraı sozylatyn 200 metrlik ýchaskesinde reversıvti qozǵalys uıymdastyrylady.
Sonymen qatar osy kezeńde Іle tasjolynyń qala shekarasynan Súıinbaı dańǵylyna qaraı baǵyttalǵan 200 metrlik bóliginde de reversıvti qozǵalys engiziledi.
- Jol qozǵalysyna qatysýshylardan ýaqytsha ornatylǵan jol belgileriniń talaptaryn saqtaýdy, belgilengen jyldamdyq rejımin ustanýdy jáne júrý baǵytyn aldyn ala josparlaýdy suraımyz. Jóndeý jumystarynyń merzimi aýa raıy jaǵdaıyna jáne tehnologııalyq protseske áser etetin ózge de faktorlarǵa baılanysty ózgerýi múmkin, - dep habarlady ákimdikten.
Eske salaıyq, bıyl shilde aıynan bastap saǵat 07:00-den 22:00-ge deıin Saın kóshesi – ál-Farabı dańǵyly – Shyǵys aınalma avtomobıl joly (ShAAJ) – Rysqulov dańǵyly aralyǵynda júk kólikteriniń qozǵalysyna shekteý engizildi.
