Almatyǵa kelgen sheteldik týrıst qalada táýligine qansha aqsha jumsaıdy

ALMATY. KAZINFORM — 2025 jyldyń alǵashqy jartyjyldyǵynda Almatyǵa 1,1 mıllıonnan astam týrıst kelgen. Bul byltyrmen salystyrǵanda 6,5% kóp.

Almat ákiminiń orynbasary Oljas Smaǵulovtyń aıtýynsha, qalaǵa kelgen qonaqtardyń 320 myńy — sheteldik saıahatshy.

Al kórsetilgen týrıstik qyzmetterdiń kólemi 50 mlrd teńgeden asyp, 16,6% artqan. Negizgi ósim Úndistan, Qytaı, BAÁ jáne Malaızııadan kelgen qonaqtar esebinen baıqalady.

Salalyq ınvestıtsııalar segiz aıda 104 mlrd teńgege jetip, 62,7% ósken. Al týrızmnen túsken salyq túsimderi 59,3 mlrd teńge bolyp, 28,6% artqan.

Týrızmniń serpindi damýyna áýe qatynastarynyń keńeıýi de yqpal etip otyr. 2025 jyly Gýanchjoý, Inın, Shanhaı, Danang, Alanıa jáne Osh qalalaryna jańa reıster ashyldy. Mastercard derekteri boıynsha, sheteldik týrıst Almatyda táýligine orta eseppen 441 dollar jumsaıdy — bul qazaqstandyq týrısterden 8,7 ese kóp.

Qazir Almatyda jalpy quny 300 mlrd teńge bolatyn 21 qonaqúıdiń qurylysy júrip jatyr.

Eske salaıyq, buǵan deıin Almatyǵa «Qaırat» — «Real Madrıd» matchyna 5 myńnan asa týrıst kelgenin jazǵan edik.