Almatyǵa kelesi aptada qalyń qar túsedi

ALMATY. KAZINFORM – Almatyda 12 aqpan kúni tańǵy saǵat 9.00-den keshki 21.00-ge deıin qalyńdyǵy 20 sm-ge deıin qalyń qar jaýady dep kútilýde. Osyǵan baılanysty Almaty ákimdigi qalanyń kommýnaldyq qyzmetteri tolyq daıyndyqqa keltirilgenin habarlady.

Ákimdiktiń málimetinshe, 12 aqpan kúni tańerteń qar tazalaýǵa 600 birlikke deıin arnaıy tehnıka men 1220 jol jumysshysy jumyldyrylady dep josparlanýda.

Kóktaıǵaq qubylystaryn aldyn alý maqsatynda negizgi magıstraldyq kóshelerdi kóktaıǵaqqa qarsy suıyq reagentpen aldyn ala óńdeý josparlanýda. Dıslokatsııa oryndarynda qar jaýǵanǵa deıin 172 qum taratqyshtyń kezekshiligi uıymdastyrylady, kóktaıǵaqty boldyrmaý úshin qala kóshelerine kóktaıǵaqqa qarsy materıaldar sebiledi. Jaýǵan qardy tazartý úshin 15 kolonna uıymdastyrylady, olarmen birge jol polıtsııasynyń patrýldik mashınalary erip júredi.

Trotýarlardy, jalpy paıdalanylatyn oryndardy, áleýmettik mańyzy bar obektilerge kireberisterdi tazalaý úshin 176 shaǵyn kólemdi tehnıka tartylatyn bolady.

Aýdan ákimdikterinde qar tazalaý jumystarynyń júrgizilýin baqylaý boıynsha táýlik boıy kezekshilik uıymdastyrylady.