Almatyǵa qalyń qar tústi
ALMATY. KAZONFORM – Almatynyń kommýnaldyq qyzmetteri qardyń túsýine baılanysty kúsheıtilgen rejımde jumys istep jatyr.
Qalada saǵat 17:00-de bastalǵan jańbyrdyń arty qarǵa ulasty, ol tańǵa deıin jaýady dep boljanyp otyr.
Saǵat 22:00-de qalaǵa 4 sm qar tústi, Kamensk ústirtinde – 15 sm, taýly aýdandarda – 35 sm-ge deıin jaýdy.
Kommýnaldyq ınfraqurylymdy damytý basqarmasynan málim etkendeı, 240 jol jumysshysy men 396 tehnıka qar tazalaýǵa jumyldyryldy.
– Qar kúreý belsendi júrgizilip jatyr. Ásirese, taýly jáne taý bókterindegi aýdandar erekshe nazarǵa alyndy. Trotýarlardy, jalpy paıdalaný oryndaryn, qoǵamdyq kólik aıaldamalaryn jáne jaıaý júrginshiler ótkelderin tazalaý úshin 65 birlik shaǵyn tehnıka tartyldy, – delingen habarlamada.
«Qazgıdromet» RMK aqparatyna sáıkes, qar 16 jeltoqsan kúni tańerteń aıaqtalady. Túnde aýa temperatýrasy -6, -8 gradýsqa deıin tómendeıdi. Batystan batystan soqqan jeldiń ekpini 13 m/s jetedi. Kóktaıǵaq bolady.
Osyǵan baılanysty kommýnaldyq ınfraqurylymdy damytý basqarmasy júrgizýshilerden saqtyq sharalaryn, jyldamdyq rejımin jáne avtomobılder arasyndaǵy qashyqtyqty saqtaýyn suraıdy.
Budan bólek, qar tazalaý tehnıkasynyń jumysyna kedergi keltirmeý úshin jol jıekterine kólik qoımaýdy usyndy.
– Qala turǵyndaryn qar jaýǵanǵa deıin «Medeý» muz aıdyny men «Shymbulaq» taý shańǵysy kýrortyna ýaqytsha barýdan bas tartýǵa shaqyramyz. Bul trafıkke aýyrtpalyq túsirýi múmkin, al ol joldardy tazalaýdy qıyndatady, – dep atap ótti basqarmadan.