Almatyǵa elektrmen júretin 200 avtobýs satyp alynady
ALMATY. KAZINFORM – Almatyǵa elektrmen júretin 200 jáne gazben júretin 600 avtobýs satyp alý josparda. 2025-2027 jyldarǵa arnalǵan bıýdjettiń tıisti jobasy qala Máslıhatynyń aldaǵy sessııasynda qaralady.
Máslıhattyń baspasóz qyzmetinen málim etkendeı, qala úshin negizgi baǵyttardyń biri kólik ınfraqurylymyn damytý.
— Ekologııalyq jaǵdaıdy jaqsartý maqsatynda qalalyq qoǵamdyq kólikti jańartý boıynsha jumystar jalǵasatyn bolady. 2025 jylǵa arnalǵan bıýdjet jobasynda gazben júretin 600 avtobýs pen 200 elektroavtobýs satyp alý josparlanǵan, — dep habarlady Máslıhattan.
Kelesi jyly bıýdjetten 300 km jolǵa ortasha jóndeý júrgizýge, 30 km trotýarlarǵa, aıaldama qaltalary men alańdaryna, sondaı-aq basqa da kólik qurylystaryna 35,8 mlrd teńge bólinbek.
2025 jyly Seıfýllın dańǵyly — Jansúgirov kóshesiniń qıylysynda jáne Rysqulov dańǵylynan Aqyn Sara kóshesine deıin, Abaı dańǵylynan qala shekarasyna deıingi jol aıryqtarynyń qurylysyn aıaqtalady.
Osyǵan deıin Almatyda shalǵaı aýdandardan oqýshylardy tasymaldaý úshin taǵy 100 mektep avtobýsy iske qosylatyny týraly jazǵan edik.