Almatydan Vetnamǵa shyqqan ushaq áýejaıǵa qaıtyp kelýge májbúr boldy

ALMATY. KAZINFORM - Almatydan Vetnamǵa shyqqan Air Astana ushaǵy qala ústinde biraz ýaqyt qalqyp, keıin áýejaıǵa qaıtyp oralǵan. 

Air Astana jaýabyna sáıkes, 28 naýryzda Almaty — Nıanchang baǵyty boıynsha KS193 túngi reısin oryndaǵan Air Astana ushaǵy tehnıkalyq sebeppen Almaty áýejaıyna májbúrli túrde qonǵan. 

— Reısti kútý kezinde jolaýshylarǵa ystyq tamaq pen sýsyndar, al qalaýy boıynsha qonaq úıge ornalastyrý usynyldy. Jolaýshylar basqa áýe kemesimen saǵat 07:15–te jolǵa shyqty. Reıs keshikkeni úshin jolaýshylardan keshirim suraımyz, — dep habarlady kompanııadan.

Eske salaıyq, buǵan deıin Almatyǵa reıs brondaıtyn týrıster sany 1,5 ese óskenin jazǵanbyz.