Almatydan Vetnam men Chehııany baılanystyratyn reıs iske qosyldy
ALMATY. KAZINFORM – Vetnamdyq VietJet Air áýe kompanııasy Hanoı – Almaty – Praga baǵyty boıynsha turaqty reısterdi iske qosty.
Almaty qalasy týrızm basqarmasynyń málimetinshe, jańa baǵyt boıynsha Airbus A330 ushaqtary aptasyna eki ret qatynaıdy. Áýe erkindiginiń besinshi dárejesi quqyǵynyń arqasynda jolaýshylar búkil baǵyt boıynsha ǵana emes, Almaty men Praga arasynda ushýǵa múmkindigi bar. ıAǵnı, Vetnam astanasynan Qazaqstanǵa kelgen ushaqqa adamdar jeke bılet alyp, Chehııa astanasyna attana alady. Keri baǵytta da bul múmkindik saqtalady.
- 2025 jyly Almatyǵa kelgen Vetnam týrısteriniń sany aldyńǵy jylmen salystyrǵanda 20%-ǵa artty. Jańa baǵyt Vetnammen týrıstik baılanysty odan ári damytýǵa jáne Almatynyń osy elden keletin saıahatshylar úshin tartymdylyǵyn arttyrýǵa yqpal etedi, - dep habarlady basqarmadan.
Almaty áýejaıynyń málimetinshe, bul reıstiń Almaty men Hanoı arasyndaǵy ushý uzaqtyǵy shamamen 6 saǵat 10 mınýt, al Almaty men Praga arasyndaǵy ushý uzaqtyǵy shamamen 7 saǵat 35 mınýt bolady.
Eske salaıyq, bıyl 30 qarashadan bastap Almaty - Tokıo reısi bastap iske qosylady.
Sondaı-aq Air Astana áýe kompanııasy Qazaqstannan Omanǵa eki jańa baǵyt boıynsha turaqty reısterdi iske qospaq. Ushaqtar Almaty men Astanadan Salala qalasyna qatynaıdy.
