Almatydan ushatyn reıster aýa raıyna baılanysty keshiktirilip jatyr
ALMATY. KAZINFORM — Air Astana Almatydan ushyp shyǵatyn keshki reısterin tuman men kóriný qashyqtyǵy 150 metrden kem bolýyna baılanysty keshiktirip jatyr.
Air Astana baspasóz qyzmetiniń málimetinshe, reıster Airbus NEO ushaqtarymen oryndalady. Al kompanııa áýe kemeleriniń óndirýshisi engizgen shekteýlerge sáıkes qaýipsizdikti qamtamasyz etý úshin osyndaı sheshim qabyldaǵan.
Keıbir reısterdi oryndaý úshin FlyArystan kompanııasynyń rezervtik ushaǵy qoldanylady.
Áýe kompanııasy jolaýshylarǵa reıster týraly aqparatty resmı saıttan nemese Air Astana mobıldi qoldanbadan aldyn ala teksergeni jón.
Eske salaıyq, buǵan deıin qalyń qar men burqasyn Túrkııanyń eń iri qalasynda kólik pen avıatsııa jumysyna kedergi keltirip, Ystanbulda ondaǵan reıs toqtatylǵanyn jazǵanbyz.