Almatydan Túrkııanyń Izmır qalasyna tikeleı reıs ashyldy
ASTANA. KAZINFORM – 31 shildeden bastap Almaty men Túrkııanyń Izmır qalasy arasynda tikeleı áýe reısi iske qosylady. Bul týraly Almaty halyqaralyq áýejaıynyń baspasóz qyzmeti habarlady.
Jańa baǵytty SunExpress áýe kompanııasy ashady. Áýejaı málimetinshe, jańa reıs Qazaqstan men Túrkııa arasyndaǵy týrıstik, iskerlik jáne mádenı baılanysty nyǵaıtyp, Almatynyń halyqaralyq áýe baǵyttarynyń geografııasyn keńeıtýge múmkindik beredi.
– Reıster 2026 jyldyń qazan aıynyń sońyna deıin aptasyna eki ret – seısenbi jáne juma kúnderi Boeing 737-800 ushaǵymen oryndalady. Izmırden ushaq saǵat 21:00-de ushyp, kelesi kúni saǵat 05:00-de Almatyǵa qonady, – delingen habarlamada.
Keri baǵyttaǵy reıster sársenbi jáne senbi kúnderi júzege asyrylady. Almatydan ushý ýaqyty – 06:25, al Izmırge kelý – 09:50.
– Jańa áýe baǵyty eki el arasyndaǵy kólik qatynasyn damytýǵa jáne jolaýshylar úshin halyqaralyq saparlardyń qoljetimdiligin arttyrýǵa yqpal etedi, – dep atap ótti áýejaıdyń baspasóz qyzmeti.
Aıta keteıik, Qytaı áýe kompanııasy Astana – Qulja baǵytyn ashýdy josparlap otyr.
