Almatyda 2 baldyq jer silkinisi sezildi

ASTANA. KAZINFORM — Jer silkinisiniń oshaǵy Qyrǵyzstan aýmaǵynda Almaty qalasynan ońtústik-batysqa qaraı 279 km jerde ornalasqan, dep habarlaıdy TJM baspasóz qyzmeti.

— QR TJM «Seısmologııalyk zertteý ınstıtýty» JShS seısmıkalyq stantsııalar jelisimen 2025 jylǵy 7 maýsymda Astana ýaqytymen 08 saǵat 33 mın jer silkinisi tirkeldi. Seziletindigi týraly málimetter: Almaty qalasynda — 2 ball. Zardap shekkender men qıraýlar týraly málimet túsken joq, — delingen habarlamada.

Vedomstvo jer silkinisi kezindegi 10 qarapaıym qadamdy eske saldy:

1. Jer dúmpýi kezinde úreılenbeńiz;

2. Jer silkiný kezinde lıft jáne baspaldaqpen qoldanbańyz;

3. Jıhazdan, terezeden, ary turyńyz;

4. Jasyrynatyn jerdi tabyńyz - joǵarǵy qabattarda negizgi irgeli qabyrǵalardyń buryshynda oryn alyp jasyryńyz;

5. Ǵımarattan shyǵyńyz (tómengi qabattarda); - kóp qabatty úılerde jer silkis aıaqtalǵan soń ǵımarattan shyǵyńyz;

6. Keter aldynda sýdy, gazdy, elektr qýatyn múmkindigińizshe óshirińiz;

7. Dabyl jol sandyǵyn alyńyz (aldyn ala daıyndaý qajet);

8. Elektr jelilerden , ǵımarat, aǵashtardan aýlaq bolyńyz;

9. Jer silkinýine daıyn bolyńyz;

10. Qart adamdarǵa, balalarǵa, múmkindigi shekteýli adamdarǵa kómek kórsetińiz.

Buǵan deıin Jambyl oblysynda 2-3 baldyq jer silkinisi tirkelgenin jazǵanbyz.