Almatydan Mýmbaıǵa tikeleı reıs ashylady

ALMATY. KAZINFORM – Bıyl 20 sáýirden bastap Almatydan Mýmbaıǵa tikeleı reıs ashylady.

Air Astana málimetinshe, Almaty–Mýmbaı baǵytyndaǵy reıster Airbus ushaqtarymen aptasyna úsh ret: jeksenbi, sársenbi jáne beısenbi kúnderi oryndalady. Alǵashqy reıs Almatydan 20 sáýir kúni 04:30-da ushyp, Mýmbaıǵa kelesi kúni jergilikti ýaqyt boıynsha 09:55-te kelip qonady. Mýmbaıdan qaıtatyn reıs 11:00-de ushyp, Almatyǵa 14:45-te jetedi. Almatydan Mýmbaıǵa deıin ushý ýaqyty 4 saǵat 50 mınýt, keri baǵytta 4 saǵat 20 mınýt bolmaq.

- Reıs 2025 jylǵy 20 sáýirden bastap júzege asyrylady. 2004 jyly Úndistan naryǵyna shyqqannan beri áýe kompanııasy turaqty túrde qyzmetin keńeıtýde jáne qazirgi tańda Almatydan Delı qalasyna aptasyna 9 reıs oryndap, jaz mezgilinde reıs jıiligi artady, - dep habarlady áýe kompanııadan.

Eske salaıyq, Tashkent — Nıý-Iork áýe reısinde sábı dúnıege kelgenin jazǵanbyz.