Almatydan Qyzylordaǵa deıingi road-estafeta bastaldy

ASTANA. KAZINFORM – Almaty oblysy Tarǵap aýyly tusyndaǵy kempıng-alańda aýqymdy ekologııalyq bastama – «Taza Qazaqstan» road-estafetasynyń ashylý ótti, dep habarlaıdy Ekologııa jáne tabıǵı resýrstar mınıstrligi.

Bir aptaǵa jalǵasatyn aýqymdy is-shara barysynda qatysýshylar Almaty, Shymkent qalalary jáne Jambyl, Túrkistan, Qyzylorda oblystary arqyly myń shaqyrymnan astam joldy eńseredi. Aktsııanyń basty maqsaty – qoǵamda jańa ekologııalyq mádenıet qalyptastyrý, tabıǵat pen tarıhı muraǵa qurmetpen qaraý jáne azamattardyń qorshaǵan orta aldyndaǵy jaýapkershiligin arttyrý.

Estafeta aıasynda tek qoqys jınaý ǵana emes, depýtattardyń halyqpen kezdesýleri, jastarǵa arnalǵan open-air is-sharalary, qoǵamdyq qabyldaýlar jáne taza aýada «Chempıondyq rýh» jattyǵýlary ótedi. Sonymen qatar «Vandalızmge jol joq!» jobasy sheńberinde «Tulǵalar tuǵyry» memorıaldyq kesheni, «Aqyrtas» saraı kesheni, «Birlik» monýmenti jáne ejelgi Saýran qalashyǵy sııaqty tarıhı nysandar tazartylyp, abattandyrylady. Osylaısha road-estafeta tabıǵatty qorǵaý, mádenı murany saqtaý jáne ekologııalyq patrıotızmdi qalyptastyrý mindetterin toǵystyrady.

«Memleket basshysy eger osyndaı belsendi jumysty jalǵastyra bersek, Qazaqstan naǵyz jasyl el bolatynyn aıtty. Sondyqtan qorshaǵan ortany qorǵaý, oǵan uqypty qaraý tek mindet qana emes, kúndelikti ómir saltymyzdyń ajyramas bóligine aınalýy tıis», – dep atap ótti Ekologııa jáne tabıǵı resýrstar vıtse-mınıstri Mansur Oshýrbaev.

Aktsııa aıasynda belsendiler men volonterler jol jıegin, avtoturaqtar men kempıng aýmaqtaryn tazalaıdy. Jumys kvadrokopterler arqyly júrgizilgen aerobarlaý derekterine súıene otyryp uıymdastyrylady. Jınalǵan qoqys polıgondarǵa jetkizilmek.