Almatydan Jibek joly 2.0 týrıstik poıyzy jolǵa shyqty
ALMATY. KAZINFORM — «Almaty-2» vokzalynan Jibek joly týrıstik poıyzy jolǵa shyqty.
Qazaqstan men Ózbekstannyń kórikti jerlerine jol tartatyn poıyz alǵash ret 2024 jyldyń qarasha aıynda iske qosyldy. Búgin Jibek joly týrıstik poıyzy Almatydan ekinshi ret saparǵa attanyp otyr. Poıyz «Almaty — Túrkistan — Tashkent — Samarqand — Shymkent — Almaty» baǵyty boıynsha jol júredi. Týr 5 kúnge sozylady.
Eske salaıyq, bul joba Memleket basshysynyń týrızmdi damytý jónindegi tapsyrmasyna sáıkes «Qazaqstan temir joly» Ulttyq kompanııasynyń uıymdastyrýymen júzege asyryldy. Jobany damytýǵa QR Kólik mınıstrligi, Týrızm jáne sport mınıstrligi, Almaty qalasy men Túrkistan oblysynyń ákimdikteri, sondaı-aq, «Ózbekstan temir joldary» kompanııasy seriktes retinde úles qosty.
Buǵan deıin alǵashqy saparda 115 saıahatshy bolǵanyn jazǵanbyz.