Almatydan Eýropaǵa jańa áýe reısi ashyldy
ALMATY. KAZINFORM – Erteń, 31 mamyrdan almatylyqtar Polsha astanasy Varshava qalasyna tikeleı usha alady.
Almaty – Varshava baǵyty boıynsha jańa reısti Polshanyń ulttyq áýe tasymaldaýshysy LOT Polish Airlines iske qosady. Áýe reısteri zamanaýı Boeing 737 MAX ushaqtarymen aptasyna tórt ret oryndalady.
- Halyqaralyq áýe qatynasyn damytý Almaty úshin basym baǵyttardyń biri bolyp qala beredi. Áýe baǵyttarynyń keńeıýi týrıster sanynyń artýyna, halyqaralyq baılanystyń nyǵaıýyna jáne qalanyń Ortalyq Azııadaǵy saıahat pen bızneske eń tartymdy baǵyttardyń biri retindegi ımıdjin qalyptastyrýǵa yqpal etedi, - dep habarlady Almaty ákimdigi.
Eske salaıyq, buǵan deıin Izmır men Almaty arasynda tikeleı áýe reısi ashylatynyn jazǵanbyz.
