Almatydan Aqtaýǵa shyqqan Air Astana ushaǵy shuǵyl qonýǵa májbúr boldy
ASTANA. KAZINFORM — Air Astana áýe kompanııasynyń baspasóz qyzmeti Almatydan Aqtaýǵa shyqqan ushaq shuǵyl qonýǵa májbúr bolǵanyn rastady.
Áleýmettik jelide ushaq bortyndaǵy jaǵdaı týraly vıdeo taraǵan bolatyn. Jolaýshylardyń aıtýynsha, ushaq áýege kóterilgen kezde borttan bógde búr túrli shýyl shyqqan. Al 30-40 mınýttan keıin ushaq tómendegen.
— 31 tamyzda Almaty-Aqtaý baǵytyna shyqqan KS 859 reısiniń ekıpajy Aqtaýǵa jete bere, tehnıkalyq aqaý týraly habar berip, nusqaýlyqqa saı birinshi bolyp qonýǵa ruqsat surady. Osydan keıin ol qaýipsiz eshelonynyń kómegimen Aqtaý áýejaıyna aman qondy, — dep málime etti kompanııanyń baspasóz qyzmeti.
Qazir ushaqtaǵy aqaý neden shyqqany tekserilip jatyr.
— Atalǵan reıstiń búkil jolaýshylary basqa áýe kemesine aýystyryldy, — delingen resmı málimette.
Buǵan deıin Pavlodar oblysynda naýqas áıel men náresteni qutqarý úshin tikushaq qajet bolǵanyn jazǵan edik.