Almatydan 447 shaqyrym jerde jer silkindi

ALMATY. KAZINFORM – QR Tótenshe jaǵdaılar mınıstrligine qarasty seısmıkalyq stansalar jelisi 4 mamyr kúni saǵat 11:45-te jer silkinisin tirkedi.

Jerasty dúmpýiniń oshaǵy Almatydan soltústik-shyǵysqa qaraı 447 shaqyrym qashyqtyqta – Qytaı Halyq Respýblıkasynyń aýmaǵynda ornalasqan. 

– Epıtsentr koordınattary: 41,670° s.e., 82,310° sh.b. Qazaqstan aýmaǵynda sezilgeni týraly málimet joq, - delingen habarlamada.

Osyǵan deıin, 1 mamyr kúni Almaty oblysy, Kegen aýdany, Qarqara aýylynan 10 km qashyqtyqta, Almaty qalasynan ońtústik-shyǵysqa qaraı 201 km jerde jer silkinisi tirkelgen bolatyn. 

Sonymen qatar Qyrǵyzstannyń Qazaqstanmen shekaralas aýmaǵynda da jer silkinisi bolǵanyn jazǵan edik.