Almatydan 212 km qashyqtyqta jer silkindi

QR Tótenshe jaǵdaılar mınıstrligine qarasty «Seısmologııalyq tájirıbe-ádistemelik ekspedıtsııasy» JShS-nyń seısmıkalyq stansalar jelisi 6 qazan kúni saǵat 00.43-te jer silkinisin tirkedi, dep habarlaıdy QazAqparat.

Jerasty dúmpýiniń oshaǵy Almaty qalasynan ońtústik-shyǵysqa qaraı 212 shaqyrym jerde, Qyrǵyzstan aýmaǵynda ornalasty.

Energetıkalyq sanaty – 9.9. MPV magnıtýdasy – 4.2. Epıtsentr koordınattary – 42.00° s.e. 79.93° sh.b. Tereńdigi – 15 shaqyrym. MSK-64 baǵany boıynsha terbelistiń sezilýi týraly málimet túspegen.

Eske salaıyq, 1 qazanda almatylyqtar jer silkinisin sezingen bolatyn. Jerasty dúmpýi túngi saǵat 03:30-da tirkeldi.

«Zaqym bolǵan nemese qıraǵan jaǵdaı baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq.
«Seısmologııalyq tájirıbe ádistemelik ekspedıtsııasy» MM seısmıkalyq stantsııalar jelisiniń dereginshe, zilzala oshaǵy Almaty qalasynan ońtústikke qaraı 122 shaqyrym jerde Qyrǵyzstan jerinde ornalasty», – delingen edi Tótenshe jaǵdaılar departamentiniń málimetinde.