Almatydaǵy Jubanov kóshesin uzartý jumystary qashan bastalady

Almatydaǵy Ahmet Jubanov atyndaǵy kóshe 1,2 shaqyrymǵa uzartylady. Jumys 2024 jyly bastalady. Bul týraly óńirlik kommýnıkatsııalar qyzmetiniń alańynda Áýezov aýdanynyń ákimi Abzal Egemberdıev aıtty, dep habarlaıdy Kazinform.

Aıtýynsha, 2023 jyly Áýezov aýdanynyń aýmaǵynda jalpy uzyndyǵy 11,4 km bolatyn 12 kóshe men ótpe joldar jóndeldi.

«Budan basqa, uzyndyǵy 4,5 km Tóle bı kóshesin uzartý jumystary júrgizilýde, onyń 2,2 shaqyrymy Áýezov aýdany boıynsha. Jumystar 2025 jyldyń jeltoqsan aıynda aıaqtalady. 2024 jyly A.Jubanov kóshesin uzartý kózdelgen. Onyń aıaqtaý 2026 jylǵa josparlanyp otyr », - dedi ol.

Buǵan deıin qala ákimi Erbolat Dosaev Jubanov kóshesin uzartý úshin 307 ýchaske satyp alynatyny týraly aıtqan bolatyn.