Almatydaǵy JOO-da kúmándi sómkege baılanysty stýdentter evakýatsııalandy
ALMATY. KAZINFORM — Áleýmettik jelilerde ál-Farabı atyndaǵy QazUÝ stýdentteri men qyzmetkerleriniń evakýatsııalanǵany týraly aqparat tarady.
Oqıǵa ál-Farabı atyndaǵy QazUÝ-dyń Bıologııa jáne hımııa fakýltetiniń mańynda bolǵan.
Almaty polıtsııa departamentiniń málimetinshe, qaladaǵy oqý oryndarynyń birinen qaraýsyz qalǵan sómke tabylǵan. Oqıǵaǵa baılanysty shuǵyl qyzmetter dereý shaqyrylǵan.
— Qaýipsizdikti qamtamasyz etý maqsatynda stýdentter men oqytýshylar evakýatsııalandy. Tekserý barysynda sómkeniń stýdentterdiń birine tıesili ekeni jáne ishinde oqý quraldary bar ekeni anyqtaldy. Sómkedegi zattar qaýip tóndirmeıtini belgili boldy, — dep habarlady polıtsııanyń baspasóz qyzmeti.
Polıtsııa azamattardy qyraǵylyq tanytqany úshin alǵys aıtyp, kúmándi nemese qaraýsyz qalǵan zattardy baıqasa, óz betinshe áreket etpeı, dereý 102 nómirine habarlaýdy eskertti.
Eske salsaq, Almatydaǵy JOO-larǵa bomba qoıylǵany týraly aqparat taraǵan edi. Alaıda polıtsııa bomba joq ekenin málimdedi.
