Almatydaǵy jolaýshylar poıyzynda ýlanǵan eki balanyń jaǵdaıy qalaı

ALMATY. KAZINFORM – Almatyda poıyzda ýlanyp, jansaqtaý bólimine túsken eki balanyń jaǵdaıy belgili boldy. Bul týraly Almaty qoǵamdyq densaýlyq saqtaý basqarmasy habarlady.

Vedomstvonyń málimetinshe, 11 bala aýrýhanaǵa jatqyzyldy, olardyń ekeýi jansaqtaý bólimine tústi.

12 jeltoqsandaǵy jaǵdaı boıynsha reanımatsııadaǵy eki naýqas beıindi bólimshege aýystyryldy, barlyq bala qazir profıldi bólimshede em qabyldap jatyr.

– Aýrýhanaǵa jatqyzylǵan naýqastardyń jaǵdaıy dárigerlerdiń baqylaýynda. Olardyń barlyǵy medıtsınalyq kómektiń qajetti kólemimen qamtamasyz etilgen, - delingen vedomstvo taratqan habarlamada.

Qalǵan naýqastar tekserýden ótip, tıisti kómek kórsetilgennen keıin turǵylyqty jeri boıynsha ambýlatorııalyq emdeýge úıge jiberildi.

Eske salaıyq, Almaty-2 temirjol vokzalynda adamdar tabıǵı gazdan ýlanyp, 52 adam medıtsınalyq kómekke júgingen edi. Olardyń arasynda balalar da bar: ekeýi jansaqtaý bólimine túsken. 

Keıinirek Kóliktegi polıtsııa departamenti QR Qylmystyq kodeksiniń 156-baby (Eńbekti qorǵaý qaǵıdalaryn buzý) boıynsha qylmystyq is qozǵaǵanyn habarlady.