Almatydaǵy jerasty dúmpýi týraly SMS-ti operatorlar ýaqtyly joldady – mınıstrlik jaýaby
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek elimizdiń ońtústiginde bolǵan jer silkinisi týraly turǵyndardy ýaqtyly habarlamaý deregine qatysty pikir bildirdi.
«Olar eskertýdi ýaqytynda jiberdi. Máselen, joldanǵan habarlama A núktesinen V núktesine jetýi kerek. Olar Tótenshe jaǵdaılar mınıstrliginen habarlama túsken boıda barlyǵyn jiberdi. Degenmen, SMS-habarlamalar telekommýnıkatsııa jelilerinde baıaý júrgen. Biz bul problemany basqa tehnologııanyń múmkindigi arqyly sheshemiz, ıaǵnı habarlardy jedel joldaýǵa jaǵdaı jasalady. Olar birneshe sekýnd ishinde árbir abonentke habarlaýǵa múmkindik beredi», - dedi A.Orazbek Parlament Májilisinde tilshiler suraǵyna jaýap bere otyryp.
Bul rette ol SMS-habarlamalardyń problemasyn túsindirdi. Tehnologııanyń problemasy bar, ıaǵnı SMS-habarlamanyń ár abonetke jetýine birneshe saǵat ketýi múmkin, óte baıaý keledi.
Sonymen qatar vıtse-mınıstr almatylyqtardyń jerasty dúmpýi týraly habarlamany ulttyq operatordan emes, jahandyq qyzmetterden alýy jaǵdaıyna qatysty pikir bildirdi.
«Óıtkeni ınternette Google abonentke kontentti dál jetkizýge múmkindik beretin óz tehnologııalaryn paıdalanady. YouTube-ti qaraǵan kezde, serverlermen jeke baılanysyńyz bolǵandyqtan, árkim óz kontentin tańdaı alady. Ol jerden qurylǵyńyzǵa ártúrli habarlandyrýlar kelip jatady», - dedi ol.
Aıta keteıik, búgin Májilistiń jalpy otyrysynda depýtaty Sergeı Ponomarev jaqynda Almatyda jerasty dúmpýiniń aldynda tıisti habarlamanyń ýaqytyly taratylmaýy máselesin kóterdi.
Budan buryn habarlanǵandaı, 23 qańtarda bolǵan Úkimet otyrysynda Premer-Mınıstr Álıhan Smaıylov Almatydaǵy silkinisi kezinde halyqty qulaqtandyrý júıesi der kezinde iske qosylmaǵanyn aıtty.
«Adamdar ýaqtyly aqparattandyrý men aıqyn áreket bolmaǵandyqtan baıbalamǵa boı aldyrdy. Olar 2, 3-qabattan sekirip, oısyz áreketterge bardy. Bul qulaqtandyrý júıesi der kezinde iske qosylmaǵanyn, halyqqa barynsha erte habarlandyrýlar taratyp, habarlandyrý kerek bolǵanyn kórsetedi», — dedi Úkimet basshysy.
