Almatydaǵy jer silkinisinen keıin jer úılerdiń baǵasy kúrt kóterildi
ASTANA. KAZINFORM — Almatydaǵy jer silkinisinen keıin qalada jeke sektordaǵy úılerdiń baǵasy qymbattaı tústi. Bul týraly Qazaqstan rıeltorlary birlesken qaýymdastyǵy prezıdentiniń keńesshisi Nına Lýkıanenko aıtty.
«Jer silkinisinen keıin jeke sektordaǵy nysandardy satý men jaldaýǵa qyzyǵýshylyqtyń birshama artqany baıqaldy. Osynyń aıasynda keı adamdar baǵany azdap kóterdi. Biraq, mundaı qyzyǵýshylyq mámilelerge esh áser etpedi. Bul jaıt úı men páter boıynsha mámileler qurylymyndaǵy úlestiń qaıta bólinýine aıta qoıarlyqtaı áser etedi dep aıta almaımyn», — dedi ol agenttik tilshisine bergen suhbatynda.
Onyń atap ótýinshe, jer silkinisinen keıin úı-jaılardyń qaýipsizdigin tekserý máselesi ótkir kóterildi.
«Jer silkinisinen keıingi alańdaýshylyq turǵyn úılerdiń nemese eski turǵyn úı qorynyń qaýipsizdigi, úılerdiń tektonıkalyq opyrylý qaýpi bar aımaqta ornalasýy, ǵımarattardyń beriktigi syndy máselelerdi talqylaýǵa qaraı oıysty. Degenmen, sarapshylardyń sendirýinshe, úıler aımaqtyń seısmıkalyq qaýpi eskerile otyryp salynady. Qurylys barysynda qajetti ólshemsharttar saqtalady. ıAǵnı, alańdaýǵa esh negiz joq», — dedi Nına Lýkıanenko.
