Almatydaǵy jer silkinisi: Shyńǵys Árinov Prezıdentke TJM atqaryp jatqan jumystar týraly baıandady
ASTANA. KAZINFORM - QR Prezıdenti Qasym-Jomart Toqaevqa Tótenshe jaǵdaılar mınıstri Shyńǵys Árinov Almatydaǵy jer silkinisine baılanysty vedomstvonyń atqaryp jatqan jumystary týraly baıandady, dep habarlaıdy QR Prezıdentiniń keńesshisi – Baspasóz hatshysy Berik Ýálı Feısbýktegi paraqshasynda.
Shyńǵys Árinovtiń aıtýynsha, Memleket basshysynyń tapsyrmalaryna negizdelgen is-qımyldar algorıtmi óz deńgeıinde oryndaldy. Qazir qaladaǵy jaǵdaı qalypty, barlyq tıisti mekemeler bekitilgen josparǵa sáıkes jumys istep jatyr.
Prezıdent mınıstrge megapolıs turǵyndarynyń amandyǵyn saqtaý jáne Almatydaǵy jaǵdaıdy baqylaýdy qamtamasyz etý úshin qala ákimi Erbolat Dosaevpen, sondaı-aq qaladaǵy barlyq jaýapty mekemelermen tyǵyz qarym-qatynasta jumys isteýdi jalǵastyrýdy tapsyrdy.
