Almatydaǵy jer silkinisi kezinde habarlaý júıesi istemeı qalǵan: kináliler sottaldy
ALMATY. KAZINFORM – 2024 jylǵy 23 qańtarda Almatyda bolǵan jer silkinisi kezinde avtomattandyrylǵan aldyn ala eskertý júıesi durys jumys istemeı, turǵyndarǵa der kezinde habarlama kelmegen.
Almaty prokýratýrasynyń habaralaýynsha, vedomstvo bul jaıt boıynsha tekserý júrgizip, birqatar zańbuzýshylyqty anyqtady.
Tekserý nátıjesinde júıeni satyp alý kezinde bıýdjet qarajaty jymqyrylǵany anyqtalyp, sotqa deıingi tergeý bastalǵan. Tergeý barysynda «TNS-INTEC» JShS bas dırektory sapasyz jabdyq jetkizip, jalǵan aktiler rásimdeý arqyly asa iri kólemde memleket qarajatyn ıemdengeni dáleldendi.
Almaty garnızonynyń áskerı soty is boıynsha úkim shyǵardy.
– Jabdyqty qabyldaý kezinde nemquraılyq tanytqan Almaty tótenshe jaǵdaılar departamenti basshysynyń úsh orynbasary, sondaı-aq avtorlyq jáne tehnıkalyq qadaǵalaý ókilderi de qylmystyq jaýapqa tartyldy, - delingen habarlamada.
Sot barlyq aıyptalýshyny kináli dep tanyp, olarǵa bas bostandyǵynan aıyrý jáne memlekettik, kvazımemlekettik organdarda laýazym ıelený quqyǵynan aıyrý jazasyn taǵaıyndady.
Eske salaıyq, 2025 jylǵy 23 qazanda Almaty turǵyndaryna jer silkinisine baılanysty eskertý keldi.
Almaty tótenshe jaǵdaılar departamenti seısmodatchıkterdiń derekteri boıynsha Qyrǵyzstan aýmaǵynda seısmıkalyq belsendilik tirkelgenin habarlady, biraq ol halyq pen ınfraqurylym nysandaryna qaýip tóndirmedi.