Almatydaǵy jer silkinisinen zardap shekkender týraly málimet tirkelmegen
ALMATY. KAZINFORM – Almatydaǵy jer silkinisi kezinde ǵımarattardyń qıraýy men zardap shekkender týraly aqparat túsken joq. Bul týraly qalalyq Tótenshe jaǵdaılar departamentinen málim etti.
«Ǵımarattardyń qıraýy men zardap shekkender týraly aqparat túsken joq. Tynyshtyq saqtaýlaryńyzdy suraımyz. Qaýipsizdik maqsatynda kelesi eskertýge deıin dalaǵa shyǵý kerek», - dedi Almaty qalalyq Tótenshe jaǵdaılar departamentiniń basshysy Nurlan Atyǵaev.
Aıta keteıik, buǵan deıin Almatyda 5 baldyq jer silkinisi sezilgenin jazǵan edik.
Tótenshe jaǵdaılar mınıstrligine qarasty «STÁK» JShS-nyń seısmıkalyq stansalar jelisi Almaty ýaqytymen 23 qańtar kúni 00 saǵat 09 mınýtta jer silkinisin tirkedi. Jerasty dúmpýi Almatydan ońtústik-shyǵysqa qaraı 264 shaqyrym jerde, Qazaqsten men Qyrǵyzstan shekarasy aýmaǵynda boldy.
Energetıkalyq sanaty – 15.1. MPV terbelisi – 6.7. Tereńdigi – 65 km.
Jer silkinisi Almatyda 5 ball deńgeıinde (MSK-64 shkalasy boıynsha) sezildi.
Almaty qalasy Tótenshe jaǵdaılar departamentiniń málimetinshe, ózara is-qımyl algorıtmi boıynsha tıisti memlekettik organdarǵa habar berildi. Tirshilikti qamtamasyz etý obektileriniń jumysyna monıtorıng júrgizilip jatyr.
