Almatydaǵy JEO-lardy gazǵa aýystyrý qashan aıaqtalady
ASTANA. KAZINFORM – «Samuryq-Energo» aktsıonerlik qoǵamynyń basqarma tóraǵasy Qaırat Maqsutov Úkimet otyrysynda Almatydaǵy JEO-lardy gazǵa aýystyrý qashan aıaqtalatynyn aıtty.
– «Samuryq-Energo» aktsıonerlik qoǵamynyń ınvestıtsııalyq jobalar portfelinde 30-dan astam joba iske asyrylyp jatyr. Onyń ishinde qýattylyǵy 11,6 GVt bolatyn 18 jańa generatsııalaý nysanyn 2035 jylǵa deıin salý kózdelip otyr.
Kompanııa gaz, kómir, jańartylatyn jáne gıdroenergetıka sııaqty elektr energııasyn óndirýdiń barlyq salalarynda jobalardy iske asyrýda. Birqatar jobalar Frantsııa, Qatar, Qytaı, Reseı jáne Birikken Arab Ámirlikteriniń seriktesterimen birlesip júzege asyrylady, - dedi Qaırat Maqsutov.
Onyń sózinshe, Almaty jylý elektr ortalyqtaryn (JEO-2 jáne JEO-3) gazǵa aýystyrý jumystary bekitilgen kestelerge sáıkes júrip jatyr.
– Mundaǵy ekinshi jylý elektr ortalyǵyn 2026 jylǵy qyrkúıekte paıdalanýǵa berýdi josparlap otyrmyz. Al úshinshi JEO-ny 2026 jylǵy jeltoqsanda paıdalanýǵa beremiz.
Atalǵan jobalar eldiń ońtústigin energııamen jabdyqtaý ahýalyn jaqsartyp qana qoımaı, Almaty qalasynyń ekologııalyq jaǵdaıyn jaqsartady, - dedi «Samuryq-Energo» basshysy.
Aıta keteıik, búgingi Úkimet otyrysynda elektr energetıkasy salasyn damytý men tsıfrlandyrý barysy talqylandy.