Almatydaǵy jekpe-jek: Qytaıdan kelgen qandasymyz qarsylasyn birinshi raýndta jeńdi
ASTANA. KAZINFORM – Búgin Alataý bókterindegi «Almaty Arena» sport kesheninde aralas jekpe-jekten NAIZA 57 týrnırinde qytaıdan kelgen qandasymyz qarsylasyn 1 raýndta jeńdi.
Atap aıtsaq, atalǵan týrnırge Qytaıdan kelgen qandasymyz Taılaq Nurajy (8-1) men Qazaqstan atynan synǵa túsip júrgen brazılııalyq faıter Dýglas de Olıveıra (14-7) ózara kim myqtyny anyqtaǵan bolatyn.
Nátıjesinde úsh raýndqa josparlanǵan jartylaı orta salmaqtaǵy jekpe-jek birinshi raýndta tehnıkalyq nokaýtpen, Qytaıdan kelgen qandasymyz Nurajynyń jeńisimen aıaqtaldy.
Osylaısha Taılaq Nurajy kásipqoı mansabyndaǵy toǵyzynshy jeńisine qol jetkizse, bul Dýglas de Olıveıra úshin kásipqoı MMA-daǵy segizinshi jeńilisi boldy.
Aıta keteıik, osyǵan deıin búgingi týrnırdiń basty aıqasynda qazaqstandyq Jalǵas Jumaǵulov amerıkalyq qarsylasyn tóreshiler sheshimimen jeńgenin jazǵan bolatynbyz.
