Almatydaǵy jappaı tóbeles: Polıtsııa qylmystyq is qozǵady

ALMATY. KAZINFORM – Jańa jyl túni Almatyda tóbeles boldy, polıtsııa buzaqylyq baby boıynsha is qozǵady.

Tóbelestiń vıdeosy jelide tarady.

Polıtsııa departamentiniń málimetinshe, Jańa jyl túni Almatydaǵy joǵary oqý oryndarynyń birinde oqıtyn sheteldik stýdentter arasynda dámhanalardyń birinde janjal shyǵyp, ol jappaı tóbeleske ulasty.

Alty qatysýshy ustalyp, Medeý aýdandyq polıtsııa basqarmasyna jetkizildi.

– Olardyń árqaısysynyń áreketine quqyqtyq baǵa beriledi. Olardyń bári ýaqytsha ustaý ızolıatoryna qamaldy. Buzaqylyq baby boıynsha qylmystyq is qozǵaldy. Basqa mán-jaılar anyqtalyp jatyr,– dep habarlady qalalyq polıtsııa departamentiniń baspasóz qyzmetinen.

Búgin Ǵylym jáne joǵary bilim mınıstri Saıasat Nurbek Almatyda janjal shyǵarǵan 6 úndistandyq stýdent deportatsııalanatynyn jetkizgen edi. 

Osyǵan deıin Almatyda ál-Farabı atyndaǵy Qazaq ulttyq ýnıversıtetine jaqyn mańda jappaı tóbeles bolǵany týraly jazǵan bolatynbyz.