Almatydaǵy jantúrshigerlik jol apaty boıynsha alǵashqy sot otyrysy qashan ótedi
ALMATY. KAZINFORM — Almatydaǵy ál-Farabı dańǵylynda úsh adamnyń ómirin qıǵan jantúrshigerlik jol apaty boıynsha alǵashqy sot otyrysynyń qashan ótetini belgili boldy.
Bul týraly jábirlenýshi taraptyń advokaty Oleg Chernov áleýmettik jelidegi paraqshasynda jazdy. Onyń aıtýynsha, is boıynsha sotqa deıingi tergeý aıaqtalyp, aldyn ala sot otyrysy 28 mamyr kúni saǵat 15:00–ge belgilengen. Sot otyrysy Almatynyń qylmystyq ister jónindegi mamandandyrylǵan aýdanaralyq sotynda ótedi.
Buǵan deıin Almaty polıtsııa departamenti bul qylmystyq is boıynsha sotqa deıingi tergeýdiń aıaqtalǵanyn habarlaǵan edi.
Eske salaıyq, 2026 jylǵy 21 naýryzǵa qaraǵan túni Zeekr kóliginiń júrgizýshisi ál-Farabı dańǵylynyń boıymen kele jatyp, qarsy qozǵalys jolaǵyna shyǵyp ketip, Mercedes avtokóligimen soqtyǵysqan. Jol apaty saldarynan Mercedes kóliginiń júrgizýshisi men eki jolaýshysy oqıǵa ornynda qaza tapty.
Atalǵan derek boıynsha QR Qylmystyq kodeksiniń 345-baby 4-bóligi boıynsha qylmystyq is qozǵaldy.
Keıinirek Almaty polıtsııasy kóshedegi kólik jarystary týraly málimdeme jasady.
Sondaı-aq Almaty qalasy polıtsııa departamentiniń bastyǵy Aıdyn Qabduldınov jol apatyna kóshe jarysynyń sebep bolǵany jáne oǵan polıtsııanyń joǵary laýazymdy tulǵasynyń qatysy týraly jelide taraǵan aqparattarǵa pikir bildirdi.
