Almatydaǵy jańa emhana qaı aýdanda salynyp jatqany belgili boldy
ALMATY. KAZINFORM — Almatyda aýrýhana jańǵyrtylyp, jańa emhana boı kóterip jatyr, dep habarlaıdy qalalyq ákimdiktiń baspasóz qyzmeti.
Jumys sapary barysynda Almaty ákimi Darhan Satybaldy № 7 qalalyq klınıkalyq aýrýhanany jańǵyrtý jumystarynyń barysymen tanysty.
Sondaı-aq, Shuǵyla shaǵynaýdanynda salynyp jatqan jańa emhana jáne órt sóndirý deposynyń qurylysyn kórdi.
Qazir № 7 aýrýhanada keshendi jańǵyrtý jumystary qolǵa alyndy. Búgingi kúni 9 ota jasaıtyn bólme men 16 jansaqtaý bólimshesi basqa orynǵa kóshirildi. Sonymen qatar medıtsınalyq mekeme qalypty rejımde jumys istep, kórsetiletin medıtsınalyq qyzmet kólemi qysqarǵan joq. Jańǵyrtý jobasy ınjenerlik jelilerdi aýystyrýdy, ǵımarattyń qasbeti men jeldetý júıesin jańartýdy, paıdaly alańdy keńeıtýdi jáne zamanaýı medıtsınalyq qural-jabdyqtarmen jabdyqtaýdy qamtıdy.
— Sonymen birge Shuǵyla shaǵynaýdanynda bir aýysymda 500 adam qabyldaıtyn jańa emhananyń qurylysy júrip jatyr. Munda terapııa jáne pedıatrııa bólimsheleri, dıagnostıkalyq kabınetter, zerthana, ambýlatorııalyq hırýrgııa ortalyǵy jáne kúndizgi statsıonar ashylady, — delingen habarlamada.
Buǵan qosa, aýdanda 6 arnaıy avtokólikke arnalǵan jańa órt sóndirý deposy salynyp jatyr. Nysan paıdalanýǵa berilgennen keıin tótenshe jaǵdaıǵa áreket etý ýaqyty qysqaryp, turǵyndardyń qaýipsizdik deńgeıi aıtarlyqtaı artady.
Jalpy, bul jobalar aýdan turǵyndarynyń turmys sapasyn jaqsartýǵa baǵyttalǵan. Sonyń nátıjesinde medıtsınalyq kómektiń qoljetimdiligi artyp, turǵyndar úshin jaıly ári qaýipsiz orta qalyptasady.
Budan buryn Kazinform tilshisi Almaty taý klasterin damytý baǵytynda qandaı jumystar atqaryla bastaǵanyn zerdelep kórdi.