Almatydaǵy zerthana táýligine 15 myńǵa deıin bıologııalyq synamany óńdeı alady
ALMATY. KAZINFORM — Aýmaǵy 2 480 sharshy metr bolatyn keshen táýligine 15 myńǵa deıin bıologııalyq synamany óńdeýge jáne jylyna 5 mln-ǵa deıin zertteý júrgizýge qaýqarly.
Almatyda Densaýlyq saqtaý vıtse-mınıstri Manas Ramazanov densaýlyq saqtaý basqarmalarynyń basshylarymen birge I. Jekenova atyndaǵy ınfektsııalyq aýrýlar aýrýhanasynyń joǵary tehnologııalyq zerthanasynyń jumysymen tanysty.
Aýmaǵy 2 480 sharshy metr bolatyn keshen táýligine 15 myńǵa deıin bıologııalyq synamany óńdeýge jáne jylyna 5 mln-ǵa deıin zertteý júrgizýge qaýqarly.
Zerthananyń negizgi tehnologııalyq sheshimi — jasandy ıntellekt elementteri engizilgen avtomattandyrylǵan trek-júıe. Ol bıomaterıaldy qabyldaý men suryptaýdan bastap, zertteýler júrgizý jáne nátıjelerdi joldaýǵa deıingi barlyq kezeńdi qamtıdy.
Avtomattandyrý qolmen oryndalatyn operatsııalardyń sanyn azaıtyp, adam faktoryn barynsha tómendetedi, dıagnostıka úderisin jedeldetedi jáne bıologııalyq qaýipsizdikti arttyrady.
— Zerthana qyzmeti dıagnostıkanyń tıimdiligin arttyrýǵa, zertteý nátıjelerin alý merzimin qysqartýǵa jáne Almaty qalasynyń epıdemıologııalyq qaýipsizdigin qamtamasyz etýge baǵyttalǵan.
Keshen bes negizgi baǵytty qamtıdy: avtomattandyrylǵan zerthana, ımmýnofermenttik taldaý (IFT), polımerazdy tizbekti reaktsııa (PTR), mıkrobıologııa, parazıtologııalyq zertteýler, — delingen DSM habarlamasynda.
Sonymen qatar qatysýshylarǵa qalanyń medıtsınalyq uıymdarymen derekter almasýǵa arnalǵan tsıfrlyq júıe, bıomaterıaldy ortalyqtandyrylǵan tasymaldaý úderisi jáne zertteýler sapasyn baqylaý júıesi tanystyryldy.
Mundaı tehnologııalardy engizý zerthanalyq zertteýlerdi ortalyqtandyrýǵa, resýrstardy ońtaılandyrýǵa jáne medıtsınalyq kómektiń sapasyn arttyrýǵa múmkindik beredi.
Aıta ketelik Astanada zamanaýı zerthanalyq keshen salynady.
