Almatydaǵy VICh juqtyrý jaǵdaıy: aýrýhana basshylary qyzmetinen bosatyldy
ASTANA. KAZINFORM – Almatydaǵy ortalyq klınıkalyq aýrýhanasynda tergeý júrgizilgennen keıin AITV (VICh) juqtyrýdyń úsh jaǵdaıy anyqtaldy. Tekserýdiń qorytyndysy boıynsha aýrýhananyń birinshi basshysy men onyń orynbasary qyzmetinen bosatyldy. Bul týraly Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Nurqan Sádýaqasov málim etti.
«Komıssııa 2 aı boıy júrgizgen tergeý júrgizilip, materıaldar quqyqtyq baǵalaý úshin tergeý organdaryna berildi. Medıtsınalyq personalǵa qatysty aýrýhananyń birinshi basshysy jáne basshynyń epıdemıologııalyq máseleler jónindegi orynbasary qyzmetinen bosatyldy. Tergeý faktisi boıynsha operatsııalyq rásim standarttardyń buzylýyna jol bergen 2 medbıke tártiptik jaýapkershilikke tartyldy», - dedi Nurhan Sádýaqasov Densaýlyq saqtaý mınıstrliginiń keńeıtilgen alqa otyrysynan keıin BAQ ókilderiniń saýalyna jaýap bere otyryp,
Sondaı-aq, spıker atalǵan isti tergeý organdarynda qaraý qorytyndysy boıynsha jazanyń basqa túrleri kózdelýi múmkin ekenin aıtty.
Eske sala ketsek, byltyr maýsymda Almaty qalasyndaǵy aýrýhanada naýqastardyń adamnyń ımmýndyq tapshylyq vırýsyn (AITV/VICh) juqtyryp alýyna baılanysty epıdemıologııalyq tergeý bastalǵany týraly habarlaǵan edik.
