Almatydaǵy velojarysqa baılanysty «Medeýge» barar jol ýaqytsha jabylady
ALMATY. KAZINFORM – Jeksenbi kúni Almatyda «Giro d’Almaty 2025» velojarysyna baılanysty kólik qozǵalysy shekteledi.
Almaty ákimdiginiń málimetinshe, áýesqoılar men velosport ardagerleri arasynda dástúrli Giro d’Almaty velojarysy 19 qazanda ótedi. Bul – Qazaqstandaǵy áýesqoı velosporttyń eń bedeldi jarystarynyń biri.
Sporttyq is-sharaǵa baılanysty sol kúni saǵat 08:00-den 09:30-ǵa deıin kólik qozǵalysy ýaqytsha shekteledi. Shekteý Kereı – Jánibek handar kóshesiniń batys jaǵynda, ıaǵnı «Royal Tulip Almaty» qonaqúıinen «Medeý» muz aıdynyna deıingi aralyqta engiziledi.
– Qozǵalys shekteýi qatysýshylardyń baǵytyna qaraı kezeń-kezeńimen alynyp otyrady. Qala turǵyndary men qonaqtarynan túsinistik tanytyp, baǵyttaryn aldyn ala josparlaýdy suraımyz, - dep habarlady ákimdikten.
Eske salaıyq, bıyl tamyz aıynda Almatyda velosporttan álem chempıonaty ótti.