Almatydaǵy úsh úlken saıabaq jóndeýden ótedi
ALMATY. KAZINFORM – Bıyl Almatyda Tuńǵysh Prezıdent saıabaǵyn, «Atakent» mádenı ortalyǵynyń aýmaǵyn jáne «ıÝjnyı» saıabaǵyn qaıta jańǵyrtý jáne abattandyrýdyń jobalyq-smetalyq qujattamasy aıaqtalady. Bul týraly qala ákimi Erbolat Dosaev Bostandyq aýdanynyń turǵyndarymen kezdesýinde málim etti.
Shahar basshysy tsırk aldyndaǵy, Mustafın kóshesiniń boıy men ál-Farabı atyndaǵy QazUÝ stýdentter saraıynyń mańyndaǵy sýburqaqtar kúrdeli jóndeýden ótetinin atap ótti.
Buǵan qosa, bıyl aqpan aıynda 50 aýla aýmaǵyna kúrdeli jóndeý júrgizý úshin jobalaý-smetalyq qujattama ázirleýge konkýrs jarııalandy.
«Abaı jáne Gagarın dańǵyldarynyń qıylysynda aýdany 1 ga jer ýchaskesin abattandyrý jumystary jalǵasyp jatyr. Munda balalar men sport alańdaryn, ıtterdi serýendetý aımaqtaryn salý, demalýǵa arnalǵan oryndyqtar ornatý jáne sýarý júıesi bar jasyl jelekterdi otyrǵyzý josparda bar», - dedi Erbolat Dosaev.
Aıtýynsha,Tuńǵysh Prezıdent saıabaǵyn, «Atakent» mádenı ortalyǵynyń aýmaǵyn jáne «ıÝjnyı» saıabaǵyn qaıta jańǵyrtý jáne abattandyrýdyń jobalyq-smetalyq qujattamasy aıaqtalady.
