Almatydaǵy Tóle bı kóshesin uzartý jumysy qashan aıaqtalady

ALMATY. KAZINFORM - Almaty qalasynyń ákimi Erbolat Dosaev Áýezov aýdanynyń turǵyndarymen kezdesýinde Tóle bı kóshesin uzartý jumystary qashan aıaqtalatynyn aıtty.

Qala basshysynyń sózinshe, 2024 jyly Almaty ákimdigi 22 kóshege, 7 ótkelge jáne Saın, Tóle bı kósheleri men Raıymbek dańǵylynyń qıylysyndaǵy 2 jolaıyryqqa ortasha jóndeý júrgizý josparda. 

«Kólik leginiń shamadan tys kóp bolý máselesin sheshý úshin Tóle bı kóshesin (ıAssaýı kóshesinen qala shekarasyna deıin) uzartyp salý jalǵasýda. Jumystardy aıaqtaý 2025 jyldyń sońyna josparlanǵan» - dedi Erbolat Dosaev.

Almaty ákimi 2023 jyly 12 kóshe ortasha jóndeýden, 45 ýchaskede tehnıkalyq trotýarlar jabdyqtalǵanyn atap ótti.