Almatydaǵy tergeý ızolıatoryna úsh ret tyıym salynǵan zattar ótkizilmek bolǵan
ALMATY. KAZINFORM — Almaty qalasynda qylmystyq-atqarý júıesiniń mekemesine tyıym salynǵan zattardy alyp kirý áreketiniń joly kesildi.
Almaty qalasy polıtsııa departamentiniń málimetinshe, jyl basynan beri osyndaı úsh derek tirkelgen. Olardyń barlyǵy Almaty qalasyndaǵy tergeý ızolıatorynda bolǵan. Al ótken jyly qaladaǵy mekemelerde osyǵan uqsas 11 jaǵdaı anyqtalǵan.
— Profılaktıkalyq túsindirý jumysy men resmı eskertýlerge qaramastan keıbir azamattar túzeý mekemelerine tyıym salynǵan zattardy alyp kirýge áreket jasaýdy jalǵastyryp keledi. Bul rette turaqty túrde aldyn alý sharalary uıymdastyrylady. Sonymen qatar qyzmetkerler tarapynan beınebaqylaý kúsheıtilip, ótkiziletin sálemdemeler men zattarǵa muqııat tekserý júrgiziledi, — dep habarlady polıtsııadan.
Polıtsııa azamattardy zań talaptaryn qatań saqtaýǵa shaqyrdy. Sebebi tyıym salynǵan zattardy alyp kirý nemese ótkizý áreketi qoldanystaǵy zańnamaǵa sáıkes ákimshilik ne qylmystyq jaýapkershilikke ákep soǵý múmkin.
Eske salaıyq, Shymkenttiń túzeý mekemesinde azaptaý isi boıynsha úsh qyzmetker qamaýǵa alyndy.