Almatydaǵy temirjol vokzaldary QTJ-nyń senimgerlik basqarýyna beriledi

ALMATY. KAZINFORM – «Almaty-1» jáne «Almaty-2» temir jol vokzaldary «Qazaqstan temir joly» ulttyq kompanııasyna qaıtarylady.

Kólik mınıstrliginiń málimetinshe, senimgerlik basqarýǵa berý týraly kelisimge qol qoıyldy.

– Qazir tıisti protsedýralar júrip jatyr. Sonymen qatar senimgerlikpen basqarý shartyna qol qoıylyp, negizgi quraldardy túgendeý jáne esepke alý jumystary qolǵa alyndy. Nysandardy qabyldaý-tapsyrý aktisinen keıin ýákiletti memlekettik organdarda tirkeledi, – dep jaýap berdi Kólik mınıstrliginen.

Vedomstvodan atap ótkendeı, vokazaldardy berý aldaǵy jańǵyrtý jumystary aıasynda júrgizilip jatyr.

Eske sala keteıik, 2019 jyly stantsııalar Almaty ákimdiginiń quzyryna berilgen bolatyn. Alaıda 2023 jyly Almatynyń burynǵy ákimi Erbolat Dosaev QTJ stansalarǵa jóndeý jumystaryn júrgizip, olardy damytýǵa ınvestıtsııa salǵysy keletinin aıtty.

Eske salaıyq, 2019 jyly Almaty-1» jáne «Almaty-2» temirjol vokzaldary qalanyń kommýnaldyq menshigine ótken bolatyn. 

Keıin Almatynyń burynǵy ákimi Erbolat Dosaev temir jol vokzaldary «Qazaqstan temir joly» ulttyq kompanııasyna qaıtarylatyny týraly málimdegen edi. 

Eske salaıyq, 2023 jyly Almaty qalasynyń bas jospary bekitildi. Onda jańa temirjol vokzaly – Almaty-3 vokzalynyń qurylysy qarastyrylǵan.