Almatydaǵy temirjol aýrýhanasyn jóndeý jumystary nege keshigip jatyr

ALMATY. KAZINFORM – Almaty ákimi Erbolat Dosaev kóp jyldar qaraýsyz qalǵan ǵımarattyń jóndeý jumystary nege kesteden keshigip jatqanyn túsindirdi.

Алматыдағы теміржол ауруханасын жөндеу жұмыстары неге кешігіп жатыр
Фото: Александр Павский/Kazinform

Qala turǵyny Erbolat Dosaevtan burynǵy temirjol aýrýhanasynyń ǵımaratyn qalpyna keltirý jumystary qashan bastalatynyn surady.

– «Jetisý sáýlet qurylys» JShS ázirlegen bastapqy joba saraptamadan ótpedi, sondyqtan jumystyń bastalý merzimi ózgerdi. Búgingi tańda jańa joba ázirlendi. Joba memlekettik saraptamadan shyqqannan keıin merdigerlik uıymdy anyqtaý boıynsha konkýrs ótkizilip, sodan keıin tikeleı qurylys-montajý jumystary bastalady. Naýryz aıyndaǵy bıýdjetti naqtylaýda máslıhattan qarjyny qoldaýdy suraımyz, – dep jaýap berdi Almaty ákimi.

Aıtýynsha, nysan sáýlet eskertkishi bolǵandyqtan, joba zamanaýı materıaldardan qasbettiń bastapqy kórinisin qalpyna keltirýdi qarastyrady.

Eske salaıyq, Erbolat Dosaev 2023 jyldyń naýryz aıynda burynǵy temirjol aýrýhanasynyń ǵımaratynda balalardy ońaltýdyń qalalyq ortalyǵy ashylatynyn aıtqan bolatyn. 

Keıin ǵımarat aýmaǵy qorshalyp, nysan pasporty ilingen bolatyn. Pasport boıynsha jóndeý jumystary 2024 jyldyń mamyrynda bastalyp, 2025 jyldyń jeltoqsan aıynda aıaqtalýy qajet edi. 

Burynǵy temir jol aýrýhanasy Abaı men Masanshy kósheleriniń qıylysynda ornalasqan. Kóp jyldar qaraýsyz qalǵan ǵımarattyń búgingi jaǵdaıy nashar. Ǵımarattyń qabyrǵasy kógerip, esik-terezesi synǵan.

Сейчас читают