Almatydaǵy taý bókterinde salynǵan iri nysan buzyldy

ALMATY. KAZINFORM — Megapolıste qurylysqa, ásirese taýly aımaqtaǵy qurylysqa baqylaýdy kúsheıtý jumystary jalǵasyp jatyr.

Qala qurylysyn baqylaý basqarmasynyń málimetinshe,«Qorǵaýshy-Zaşıtnık» baý-baqsha seriktestiginde (ých. 62/4 (98)) úsh qabatty ǵımarat ruqsat qujattarynsyz salynǵan.

«Jobalyq-smetalyq qujattamasyz, avtorlyq jáne tehnıkalyq qadaǵalaýsyz,sondaı-aq qurylys-montaj jumystarynyń bastalǵany týraly habarlamasyz bir ýchaskede úsh qabatty jáne bir qabatty kúrdeli qurylystar turǵyzylǵan.Nysan sybaılas jemqorlyqqa qarsy qyzmetpen birlesken jumys barysynda anyqtaldy»,- dep habarlady basqarmadan.

2024 jyldyń 19 shildesinde basqarma jer ýchaskesiniń ıesine (jeke tulǵaǵa) zańsyz qurylysty buzyp, jer telimin bastapqy qalpyna keltirý týraly nusqama bergen..

Nusqama talaptaryn oryndaý maqsatynda nysannyń ıesi ǵımaratty óz erkimen buza bastady.

Osyǵan deıin Almatynyń taý bókterinde zańsyz salynǵan 28 nysan buzylǵany týraly jazǵan edik. https://kaz.inform.kz/news/almatinin-tau-bokternde-zansiz-salingan-28-nisan-buzildi-942c21/

Sondaı-aq Qala qurylysyn baqylaý basqarmasy Almatyda satyp alýǵa usynylmaıtyn turǵyn úı keshenderiniń tizimin jarııalaǵan bolatyn.