Almatydaǵy sýburqaqtar 1 mamyr kúni iske qosylady
ALMATY. KAZINFORM – Ońtústik astanada 1 mamyr kúni 60 fontan iske qosylady.
Almaty ákimdiginiń málimetinshe, qalada 66 kommýnaldyq sýburqaq bar. Onyń altaýy jańartylyp jatyr.
«Odývanchık», «Aqqý», «Qyzǵaldaq» sýburqaqtary men Ortalyq memlekettik murajaıy, ál-Farabı atyndaǵy QazUÝ jáne Áýezov atyndaǵy Qazaq ulttyq akademııalyq drama teatry aldyndaǵy fontandarǵa jóndeý jumystary júrip jatyr»,- dep habarlady qalalyq ákimdikten.
«Almaty – ortaq úıimiz» aktsııasy aıasynda sýburqaqtardyń tostaǵandaryn, túbin, qabyrǵalaryn tazartý jáne granıtti plıtalardy qalpyna keltirý jumystary júrgizildi.
«Mamandar sýburqaqtardyń sándik elementterin syrlap, elektr jabdyqtary men sorǵylaryn, elektr jelilerin, sýyq sýmen jabdyqtaý jáne káriz júıesin tekserdi. Kommýnaldyq qyzmet kórsetýshilermen sýmen jabdyqtaý jáne elektrmen jabdyqtaý júıeleri qaıta iske qosyldy. Daıyndyq jumystary barysynda apatty aımaqtar da anyqtaldy, qazir sý jáne elektr jelilerin qalpyna keltirý jumystary aıaqtalyp qaldy», - dep atap ótti Almaty ákimdiginiń baspasóz qyzmeti.
Árbir fontanda qaýipsizdikti saqtaý maqsatynda shomylýǵa bolmaıtyny týraly taqtaıshalar ornatylǵan.
