Almatydaǵy skverge Atatúrik ataýy berilmek

Almaty qalasyndaǵy ataýy joq skverge Atatúriktiń esimi berilýi yqtımal, dep habarlaıdy Kazinform.

«Almaty qalasy, Bostandyq aýdany, Ál-Farabı dańǵylynyń ońtústigi, S.Seıfýllın dańǵylynyń shyǵysy mekenjaıyndaǵy, «Halyq banki» men «Almaty Theatre» ǵımarattarynyń arasyndaǵy ataýy joq skverge «Atatúrik skveri» ataýy berilsin», - delingen Ashyq NQA portalynda jarııalanǵan ákimdik pen qala máslıhatynyń birlesken sheshim-jobasynda.

Qujat qala ákimi men máslıhat tóraǵasy qol qoıyp, alǵashqy resmı jarııalanǵannan 10 kún ótip kúshine enedi.

Sheshim-jobasy 3 qarashaǵa deıin kópshilik talqylaýda bolady.

Qosa ketsek, buǵan deıin Shymkent qalasynyń Eńbekshi aýdanynyń ortalyǵynda ornalasqan saıabaqqa «Qazaqstan-Túrkııa dostyǵy saıabaǵy» ataýy berilýi múmkin ekenin habarlaǵan edik.