Almatydaǵy Seıfýllın-Jansúgirov jol aıryǵy qashan ashylady

ALMATY. KAZINFORM – Jetisý aýdany turǵyndarymen kezdesý barysynda Almaty ákimi Erbolat Dosaev jol-kólik ınfraqurylymyn jańartý jáne jolaýshylar tasymaly sapasyn arttyrý jumystary týraly aıtty. 

Shahar basshysynyń sózinshe, 2025 jyly Jetisý aýdanynda 36 kóshe jóndeýden ótedi

– Byltyr aýdanda 21 shaqyrym bolatyn 29 kóshe ortasha jóndeýden ótti. Bıyl 36 kóshede 19 km joldy jóndeý josparlanyp otyr. Sonymen qatar, jóndeý aıasynda 35 myń sharshy metr jol jabyny jańartylady. Byltyr 34 km aryq júıesin salý nátıjesinde aýdandaǵy barlyq sý basý qaýpi bar aımaqtar joıyldy, – deıdi Erbolat Dosaev.

Sonymen qatar, ol Jansúgirov kóshesi men Seıfýllın dańǵylynyń qıylysyndaǵy jolaıyryqtyń qurylysyna toqtaldy.

– 2025 jyldyń maýsymynda Seıfýllın dańǵyly men Jansúgirov kóshesiniń qıylysyndaǵy jolaıyryqtyń qurylysy aıaqtalady. Bul kólik torabynyń ótkizý qabileti 20%-ǵa artyp, Jetisý aýdanynyń basqa bóliktermen baılanysyn aıtarlyqtaı jaqsartady, – qala ákimi.

Kezdesý barysynda Almaty ákim aýdannyń qoǵamdyq kólik qyzmetin jaqsartý boıynsha atqarylyp jatqan jumystardy atady.Ótken jyly qaladaǵy avtobýstar sany 1 509-dan 1 740-qa deıin kóbeıtildi, bul 11 jańa marshrýt ashýǵa jáne 44 qoldanystaǵy baǵytty kúsheıtýge múmkindik berdi.

Eske salaıyq, buǵan deıin bıyl Seıfýllın dańǵyly men Jansúgirov kóshesiniń qıylysyndaǵy jolaıyryqtyń qurylysy, Saın kóshesin Rysqulov dańǵylynan Aqyn Sara kóshesine deıin jáne Abaı dańǵylyn qalanyń shekarasyna deıin uzartý jumystary aıaqtalatyny týraly jazǵan edik.