Almatydaǵy Saıran kóline jasóspirim batyp ketti

ALMATY. KAZINFORM – Almaty polıtsııasy Saıran kólindegi jaǵdaıǵa qatysty tergeý bastady.

– Kólge kámeletke tolmaǵan eki balanyń túskeni anyqtaldy. Biri óz betimen jaǵaǵa shyqty, ekinshisiniń taǵdyry ázirge belgisiz. Oqıǵa ornynda polıtsııa qyzmetkerleri men qutqarýshylar jumys istep jatyr. Іzdeý sharalary jalǵasyp jatyr, - dep habarlady Almaty qalalyq polıtsııa departamentiniń baspasóz qyzmeti.

Óz kezeginde qalalyq Tótenshe jaǵdaılar departamenti 112- ge mundaı aqparat túspengenin jetkizdi.

Osyǵan deıin Saıran kólinde abattandyrý jumystary aıaqtalmaı jatyp, tazalyq máselesi týyndaǵany týraly jazǵanbyz. 

Aıta keteıik, qala basshysy Saıran kóliniń abattandyrýna qatysty merdigerge eskertý jasady.