Almatydaǵy saýda ortalyqtardyń birinde mektep oqýshylary tóbelesti

ALMATY. KAZINFORM — Almatyda saýda ortalyqtarynyń birindegi qoǵamdyq tamaqtaný ornynda mektep oqýshylary tóbelesip qaldy.

Onyń vıdeosy áleýmettik jelide tarady. Almaty qalasynyń bala quqyqtary jónindegi ýákili Dıana Erlan qazir qylmystyq is boıynsha tergeý júrgizilip jatqanyn málimdedi.

– Men prokýratýraǵa kámeletke tolmaǵandardy arnaıy oqý mekemesine ornalastyrýdyń zańdylyǵyn qarastyrý boıynsha suranys jiberdim. Búgin prokýratýra balalardy arnaıy mektepke ornalastyrý týraly sheshimdi joıdy, – dep atap ótti Dıana Erlan.

Polıtsııa departamentiniń málimetinshe, tóbeleske qatysýshylardyń barlyǵy anyqtaldy. Olardyń árqaısysynyń áreketine tergeý tarapynan quqyqtyq baǵa berilip, zań aıasynda shara qoldanylatyn bolady.

– Tóbelesken jasóspirimderdiń ata-analary balalaryn tárbıeleýde óz mindetterin oryndamaǵany úshin jaýapkershilikke tartyldy. Balalar oqıtyn jalpy bilim berý uıymdarynyń ákimshiligine qylmys jasaýǵa yqpal etken sebepter men jaǵdaılardy joıý týraly usynystar jiberildi. Oqıǵaǵa qatysýshylardyń barlyǵy mekteptiń ishki reestrine tirkeldi, – dep habarlady vedomstvodan.

Sondaı-aq materıaldar Alataý aýdany ákimdigi janyndaǵy kámeletke tolmaǵandar isteri jónindegi vedomstvoaralyq komıssııada qaralatyn bolady.

Eske salaıyq, buǵan deıin Semeı qalasynda altynshy synyp oqýshysyn soqqyǵa jyqqan jasóspirimderge qatysty qylmystyq is qozǵalǵany týraly jazǵan edik. 

Keıin soqqyǵa jyqqan 3 jetkinshektiń áke-sheshesi ata-analyq quqyǵynan aıyryldy.