Almatydaǵy iri jol jobalarynyń aıaqtalý merzimi jarııalandy
ASTANA. KAZINFORM — Almatyda magıstralderdi uzartý men negizgi qalalyq joldardy qaıta jańartý jumystary jalǵasyp jatyr.
Almatyda jalpy uzyndyǵy 1165 km bolatyn 277 magıstraldi kóshe bar. Qalanyń jol jelisiniń uzyndyǵy 3145 km jáne 2752 kósheni qamtıdy.
Kelesi jyly qaı jobalar aıaqtalady?
Basqarmanyń málimeti boıynsha, úsh negizgi joldyń barlyǵynda — Abaı, Saın jáne Rysqulovtaǵy jumystar bekitilgen jospar men belgilengen kestege sáıkes júrip jatyr.
Abaı dańǵylyndaǵy qurylys jobasy Áýezov kóshesinen qala shekarasyna deıingi ýchaskeni alyp jatyr. 1,2 shaqyrymǵa kireberis joldar men trotýarlardy salý jumystary jalǵasady. Menshikten shyǵarýǵa josparlanǵan 75 jer ýchaskesiniń 74-i satyp alyndy. Qurylys-montaj jumystaryn aıaqtaý 2026 jyldyń tamyz aıyna josparlanǵan. Joba bıýdjeti 3,5 mıllıard teńgeni qurady.
Sonymen qatar, tıisti jumystary myna joldarda júrip jatyr:
Ońǵarsynova kóshesinen qala shekarasyna deıingi aralyqta Rysqulov dańǵylynda qurylys jumystary jalǵasady. Buǵan deıin satyp alynǵan ǵımarattar buzylyp, ınjenerlik jeliler qaıta salynýda. Aıaqtalýy 2026 jyldyń jeltoqsanyna josparlanǵan.
Munyń bıýdjeti — 6,4 mıllıard teńge.
Saın kóshesin uzartý
Rysqulov dańǵylynan Móńke bı kóshesine deıingi ýchaskede qurylys jumystary qamtylǵan. Barlyq 66 jer ýchaskesin alý is-sharalary aıaqtaldy. Josparlanǵan 3,2 shaqyrym jańa joldyń 1,8 shaqyrymy salyndy. Saın kóshesindegi qurylys 2019 jyly bastaldy, al barlyq qurylys-montaj jumystary 2026 jyldyń qyrkúıeginde aıaqtalmaq.
Jobanyń quny — 19,7 mıllıard teńge.
Raıymbek batyr dańǵylyn uzartý
Basqarmanyń málimetinshe, jer telimderin satyp alýǵa baılanysty jobanyń aıaqtalý merzimi kelesi jylǵa aýystyryldy.
— Raıymbek batyr dańǵylyndaǵy qurylys jobasynyń aıaqtalýy jerdi satyp alý rásimderiniń sozylýyna baılanysty kelesi jylǵa qaldyryldy, — dep málimdedi departament.
Bul jumystardyń bıýdjeti — 23,9 mıllıard teńge.
Tóle bı kóshesin uzartý ıAsaýı kóshesinen qala shekarasyna deıin júzege asyrylyp jatyr.
Joba eki ýchaskege bólingen:
— Tóle bı kóshesin uzartý ıAsaýı jáne Áshimov kósheleriniń aralyǵynda — 17,3 mıllıard teńge;
— Áshimov kóshesinen qala shekarasyna deıingi aralyqqa — 15,2 mıllıard teńge.
Qurylys-montaj jumystary jer telimderin satyp alý múmkindigine qaraı júrip jatyr. 270 ýchaskeniń 224-i satyp alyndy.
Qazirgi ýaqytta joldyń 1,1 shaqyrymyna asfalt tóseldi. Qurylys-montaj jumystarynyń aıaqtalýy 2026 jyldyń qarasha aıyna josparlanǵan.
Sonymen qatar, qalalyq basqarma Momyshuly kóshesinen qala shekarasyna deıingi aralyqta Jubanov kóshesin uzartý jumystarynyń barysy týraly habarlady.
— Qurylys-montaj jumystary jer ýchaskelerin satyp alý múmkindigine qaraı jalǵasada. Qazirgi kezde 365 ýchaskeniń 85-i satyp alyndy. Satyp alynǵan úılerdi buzý jumystary júrip jatyr, ınjenerlik jelilerdi jóndeý bastaldy, — dep naqtylady basqarma mamandary.
Osy jumystardyń aıaqtalýy 2027 jyldyń jeltoqsanyna belgilendi.
Іske asyrylatyn basqa jobalar
Almaty qalalyq mobıldilik basqarmasynyń málimetinshe, Hmelnıtskıı jáne Muqanov kóshelerin uzartý jobalary qazirgi ýaqytta daıyndyq kezeńinde tur.
— Hmelnıtskıı kóshesin Qaırat shaǵyn aýdanynan Talǵar tas jolyna deıin uzartyp salý boıynsha jobalaý-smetalyq qujattama ázirlenip jatyr. Qurylys-montaj jumystarynyń bastalý merzimi bıýdjettik qarajat bólingen jaǵdaıda 2026 jyldyń naýryz aıyna josparlandy, — delingen basqarma aqparatynda.
Munymen qosa, Talǵar tas jolyn qaıta salýǵa qatysty jobalaý-smetalyq qujattama ázirlenip jatyr. Bul turǵyda Halıýlın kóshesinen qala shekarasyna deıingi bólikti qamtıdy. Bıýdjetten qarajat bólingen jaǵdaıda, qurylys jumystary 2026 jyldyń basynda bastalady dep josparlanǵan.
Sondaı-aq, Muqanov kóshesin uzartý jobasy memlekettik saraptamadan ótti jáne qalanyń tıisti qyzmetterimen kelisildi. Ázirge, merdiger kompanııa aıqyndalmady.
Budan buryn habarlanǵandaı, Almatyda kelesi jyly Hmelnıtskıı kóshesin Talǵar tasjolyna deıin uzartý jumystary bastalady.