Almatydaǵy iri saýda ortalyǵynan adamdar evakýatsııalandy
ASTANA. KAZINFORM — Almatydaǵy Mega Alma-Ata saýda oıyn-saýyq ortalyǵynda órt dabyly iske qosyldy. Adamdar ýaqytsha evakýatsııalandy.
Áleýmettik jelilerde saýda ortalyǵyna kelgen órt sóndirý kólikteri men adamdardyń evakýatsııalanyp jatqanyn kórsetetin foto jáne vıdeolar tarady.
Almaty tótenshe jaǵdaılar departamentiniń málimetinshe, órt shyǵýy múmkin ekeni týraly habarlama túsken. Alaıda oqıǵa ornyna jetken qutqarýshylar eshqandaı ashyq jalyn baıqamaǵan. Shaqyrýdyń joǵary sanaty da rastalmady. Belgili bolǵandaı, dabyldyń iske qosylýyna órt qaýipsizdigi júıesiniń iske qosylýy sebep bolǵan.
Saýda ortalyǵynyń ákimshiligi de jaǵdaıǵa qatysty túsinik berdi.
— Mega Alma-Ata-da órt dabyly iske qosyldy. Jaǵdaı baqylaýda, barlyq júıe shtattyq rejımde jumys istep tur. Saýda ortalyǵy jumysyn jalǵastyryp jatyr. Kelýshilerdiń ómiri men densaýlyǵyna qaýip joq. Qazirgi ýaqytta tekserý júrgizip, oqıǵanyń mán-jaıyn anyqtap jatyrmyz, — delingen habarlamada.
Qazirgi ýaqytta mamandar dabyldyń iske qosylý sebepterin anyqtap jatyr.
Eske salaıyq, buǵan deıin Almatyda qoıma órtke oranǵanyn habarlaǵan edik.
