Almatydaǵy iri kópirdiń biri men kóshe jabylady
ALMATY. KAZINFORM – Almatyda jóndeýge jumystaryna baılanysty Rysqulov-Bókeıhanov jolaıryǵyndaǵy kópir ýaqytsha jabylady.
Máselen, 4 tamyz saǵat 23:00-den 6 tamyz saǵat 11:00-ge deıin ońtústik jáne soltústik baǵyttaǵy kópirde qozǵalys tolyǵymen jabylady, sondaı-aq Bókeıhanov kóshesi boıyndaǵy jolaıryǵynyń kópirge kirme jolynda kólik qozǵalysy shekteledi.
Budan bólek, 5 tamyz ben 15 qyrkúıek aralyǵynda Dýnaevskıı men Levıtan kósheleriniń arasyndaǵy tuıyq kóshede avtokólikter úshin qozǵalys jabylady.
Eki baǵytta da kólikterge júrýge tyıym salynady.
«Ýaqytsha shekteýler 1976 jyldan beri paıdalanylyp kele jatqan jalpy uzyndyǵy 1240 metr bolatyn, atalǵan kósheniń kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilmek»,- dep atap ótti «Almaty jylý júıesi» JShS.
Bul qubyr 153 kóppáterli turǵyn úıdi, 7 jeke turǵyn úıdi, 5 balabaqshany, 4 mektepti, 2 densaýlyq saqtaý mekemesin jáne basqa da 15 nysandy jylý jáne ystyq sýmen qamtamasyz etedi.
Jańǵyrtý jumystary kezeńinde tutynýshylar ystyq sý burynǵysynsha úzdiksiz beriledi.
