Almatydaǵy ortalyq klınıkalyq aýrýhana taratyla ma
ALMATY. KAZINFORM - Almatydaǵy ortalyq klınıkalyq aýrýhananǵa tirkelgen turǵyndarǵa emdeý mekemesiniń taratylatyny týraly habarlama kelip jatyr.
«Ortalyq klınıkalyq aýrýhana» AQ taratý komıssııasynyń jumysy aıaqtalǵannan keıin taratylady, ıaǵnı 2025 jyldyń 1 qańtarynan bastap bekitilgen halyqqa qyzmet kórsetý toqtatylady,- delingen habarlamada.
Emdeý mekemesiniń baspasóz qyzmetiniń málimetinshe, mundaı habarlama «Ortalyq klınıkalyq aýrýhana» AQ-nan Ulttyq gospıtal bolyp qaıta qurylýyna baılanysty jiberilip jatyr. Densaýlyq saqtaý mınıstrliginiń buıryǵyna sáıkes, medıtsınalyq mekeme patsıentterdi 30 kún buryn habardar etýi tıis.
«Almaty qalalyq qoǵamdyq densaýlyq saqtaý basqarmasymen birlesip, turǵyndardy «Ortalyq klınıkalyq aýrýhana» AQ-nan Ulttyq gospıtalǵa kezeń kezeńimen kóshirý jumystary júrgizilýde. Barlyq naýqasqa ambýlatorlyq-emhanalyq kómek kórsetiledi. Tolyq aqparat keıinirek beriledi»,- dep jaýap berdi Kazinform agenttigi joldaǵan saýalǵa.
Eske salaıyq, byltyr Sovmın resmı túrde Ulttyq gospıtalge aınalǵany týraly jazǵan edik.
