Almatydaǵy Ortalyq qalalyq klınıkalyq aýrýhananyń bas dárigeri aýysty

ALMATY. KAZINFORM – Almatydaǵy Ortalyq qalalyq klınıkalyq aýrýhananyń bas dárigeri qyzmetinen bosatyldy. Bul týraly qalalyq qoǵamdyq densaýlyq saqtaý basqarmasynyń baspasóz qyzmeti habarlady. 

Vedomstvonyń málimetine súıensek, Serikjan Sabyrálıev 2025 jyldyń 13 qazanynan bastap eńbek shartynyń merzimi aıaqtalýyna baılanysty dırektor qyzmetinen bosatyldy.

Onyń ornyna ýaqytsha atqarýshy retinde Almat Shormanov taǵaıyndaldy. Ol konkýrs ótkenge deıin aýrýhanany basqaratyn boldy. 

Eske sala keteıik, 2023 jyly Almatydaǵy Ortalyq qalalyq klınıkalyq aýrýhananyń bas dárigeri Narıman Tabynbaev qyzmetinen bosatylǵan bolatyn. Ol qyzmet etken ýaqytta atalǵan mekemede naýqastar AITV ınfektsııasyn juqtyrǵan.